Enpresen eta profesionalen sarea

FACEBOOK I: nola sortu FanPage bat. Ezarpenak, oinarrizko erabilgarritasunak eta argitalpenen kudeaketa.

SPRI

2018-02-19
KZgunea Galdakao zentroa (Zabalea, 35, beheko solairua, Behargintza)

Hastapen ikastaro honetan parte hartzen dutenek ikasiko dute nola sortu beren negozioarentzako orri bat Facebook sarean eta nola kudeatu eta konfiguratu Fanpage bat eta bere erabilgarritasun garrantzitsuenak.

LINKEDIN, sustatu zure profil profesionala eta zure enpresa.

SPRI

2018-02-19
KZgunea Getxo-Areeta (Ogoño 1, Getxo Elkartegia)

2002. urtean agertu zenetik, Linkedin liderra da harreman profesional eta komertzialetara zuzendutako sare sozialen rankingean. Ikastaro hau sarrera moduan aurkezten da, sare sozial honen bitartez promozionatu, networking egin eta negozio aukerak bilatu nahi dituzten enpresa eta profesionalentzat.

CANVA: Diseinu grafikoa diseinatzaile ez direnentzat. Nabarmendu zure irudi korporatibo eta digitala diseinu erakargarriekin.

SPRI

2018-02-19
KZgunea Vitoria-Hegoalde zentroa (Alberto Schommer 10, 1 solairua, Hegoalde Gizarte Etxea)

CANVAk eduki eta irudien konposizio desberdinak diseinatzeko aukera jartzen du zure esku, txartel bat sortzeko, edo zure sare sozial edo blogetan irudi bat sortzeko, newsletterren goiburuak egiteko eta marketineko askotariko dokumentuak eta materialak sortzeko. Interfaze intuitibo eta erraz bat dauka, doaneko baliabide eta txantiloi ugarirekin, eta aukera eskaintzen du halaber zeure irudiak eta logoak kargatzeko eta, horrela, diseinu erakargarriak sortu ahal izateko, diseinuaren profesionala izan gabe.

Business Intelligence. Aztertu eta partekatu informazioa denbora errealean Power BI erabiliz

SPRI

2018-02-19
Bizkaiko Teknologi Elkartegia. Tecnalia eraikina, #204

Bussiness Intelligencek (Big Data/Small Data) eskaintzen dituen onurak aprobetxatzea ezinbestekoa da edozein enpresarentzat. Hainbat iturritako datuen azterketa automatizatu, eraldatu, neurtu eta automatikoki eguneratuko den txoten grafiko eraginkor batean erakutsiko dituen tresna batek, erakunde batean erabaki eraginkor eta asertiboak hartzen laguntzen du.

"Tribuaren berbak" sekuentzia didaktikoak gelan erabiltzeko jarraibideak

UEU

2018-02-19

Ikastaro honen bidez, Tribuaren berbak telebista saioan oinarrituriko “Hizkuntzen mundua eta euskara deskubrituz” sekuentzia didaktikoak gelan erabiltzeko jarraibideak eskainiko dira, zalantzak argitu eta ekarpenak egin eta jaso.

Sekuentzietan dauden proposamen zehatzez gain, berauek osatzeko, eguneratzeko eta egokitzeko bideak proposatuko dira: saioaren hainbat atal edo zatiren oinarrian erabili diren ideiak eta asmoak zeintzuk izan diren azalduz, beste helburu komunikatibo batzuk proposatuz, agertzen diren datuen osagarriak eskainiz, etab.

Bestalde, sekuentziak jada erabili dituztenen ekarpenak eta zalantzak argituko dira eta partaideak sekuentzia berriak osatzen trebatuko dira.

Ikastaroa on-line izango da. Aurrez aurreko saio bi izango ditu:

• ikastaroaren hasiera-egunean: otsailaren 19an (17:30-19:30).
• ikastaroaren amaiera-egunean: martxoaren 19an (17:30-19:30).

Saio horiek UEUren Ikastetxe Nagusian izango dira (Otaola hiribidea, 1. Eibar).