Enpresen eta profesionalen sarea

Euskal ahozkotasuna eta irudimena: ondarea, sormena eta transmisioa.

UEU

2020-07-15

Euskal mito, ipuin eta bertsoak aho-belarritik jasotzeak nolako ardura dauka? Irudia, irudimen eta ahozkotasunari lotzen zaien hitzak nolako eragina dauka herriaren zentzu-egitura eraikitzean? Ahozko kontakizunek zer eta nola erakusten dute? Haien transmisioa nola bideratu? Hainbat dira ahozkotasun-biltzaileen eginkizunak eskatzen dituen galderak, eta horien erantzunak eremu askotan daukate oinarri, filosofiatik antropologiara. Izan ere, ahozkotasunak, eta haren doinu eta irudiak, haren harridura eta isiluneak, gizakia eta taldearen, banakoaren eta herriaren, ezinbesteko lotura estu-estua erakusten du.

Ikastaro honek hori mahai gainean jarri nahi du, azken hamarkadetako zenbait mito-biltzaile eta ahozkotasunaren ikertzaileren eskutik, eta honakoa lortu: batetik, ahozko bilketaren oinarri eta eginkizuna ezagutuz, Euskal Herriko bizitza eta ondarea nola eratzen duen ulertu, eta bestetik, jasotako ahozko ondarearen izaera eta transmisioa zaintzen ikasi. Azkenik, eta ondorioz, ahozko hitzaren esan-indarrak herri ikuspegia nola eratzen duen eztabaidara ekarri nahi da.

Segurtasuna: malwarearen analisia (online)

SPRI

2020-07-15 (15:00 - 18:00)
Online

Zeharo praktikoa den tailer honen helburua honako hau da: malwarearen analisiak nola funtzionatzen duen ikastea eta horren analisiari eta azterlanari onurarik handiena ateratzea.

BERRIA multimedia: kazetaritzaren praktika berriak.

UEU

2020-07-15

BERRIA egunkariaren azken urteetako erronka nagusia trantsizio multimedia izan da. Euskarazko egunkari nazionala hedabide multimedia osoa da gaur egun. Kalitatezko kazetaritza eskaintzea du helburu, edukia da abiapuntua eta produkzio digitala dago jardunaren erdigunean. Kazetaritza bisuala, datu kazetaritza eta produkzio digitala, alegia, eduki bakoitzari ondoen egokitzen zaion euskarriaren azterlana eta gauzapena. Lantaldearen antolaketan ere bide berriak eta sailartekoak sortu dira erronka berriei erantzuteko, hedabide multimediaren eginkizunari modu eraginkorragoan heltzeko. Gaur gaurko hedabidea da BERRIA eta eginkizuna sorrerako berbera izan arren, informatzen duen komunitatearekiko arduragatik etengabeko berrikuntzan ari da. BERRIAren egunerokoaren erakusleiho izan nahi du ikastaroak, eta kazetaritza eta komunikazio munduan dabiltzanentzat baliagarri izateko bokazioa duen praktika bat.

Ikastaro hau BERRIArekin elkarlanean antolatu da.

Segurtasuna: malwarearen analisia (online)

SPRI

2020-07-15 (15:00 - 18:00)
Online

Zeharo praktikoa den tailer honen helburua honako hau da: malwarearen analisiak nola funtzionatzen duen ikastea eta horren analisiari eta azterlanari onurarik handiena ateratzea.