Enpresen eta profesionalen sarea

Informazio eta Dokumentazio Kudeatzaileen VI. Bilkura: Tokiko Bildumak. GLAM erakundeek eta komunitateek tokiko memoria elkarrekin eraikitzen.

UEU

2020-07-16

Jardunaldi hau antolatu da herrietako ezagutza bildu eta geroratzeko egitasmoek sortzen duten ondarearen inguruan esperientziak partekatzeko.

Aniztasun handia dago, tokiko bilduma aberaste aldera, herri bilketa sustatzen duten eragileen artean. Herriko elkarteek, udalek, eta herri liburutegiek edo artxiboek sustatutako ekimenak izan ohi dira. Herri eragile hauek ondarearen tratamendu eta zaintzaren inguruan izandako esperientziak eta kezkak plazaratuko dira jardunaldiotan.

Jardunaldi hau ALDEErekin elkarlanean antolatu da.

Pandemiak, distopiak eta mundu berriak. (Jakin Jardunaldia)

UEU

2020-07-16

COVID-19 birusak izua zabaldu du eta izua errealitate distopikoaz erditu da eta distopiak 'normaltasun berria' ekarriko omen du. Bitarte horretan, sistemaren aldamio ezkutuak, egiturazko akatsak eta mito eta usteen hauskortasuna azalera atera dira: eskubide soziopolitikoak berrogeialdian, autoritate bakarra indarrean, informazioaren anabasa eta gezurraren zabaltzea, naturaren gain-ustiaketa, bizitzaren prekarizazioa. Eta horren kontrakarrean, jendearen arteko elkartasun uholdea: injustizia sozialari erantzuteko berariazko egiturak han eta hemen, publikoaren eta komunalaren arteko lankidetza berriak eta bestelako gizarte bat pentsatzeko eta ekiteko diskurtsoak eta praktikak.

Jardunaldi hau elkarlanean antolatu dute UEUk, Usurbilgo Udalak eta Jakin Fundazioak

2020.urtea. Ahaztu dugu Hondakinen %50 birziklatu behar direla? Mintegia.

UEU

2020-07-16

Klima aldaketa, negutegi-efektuaren ondorio bat da, beraz negutegi-efektua sortzen dituzten gasak aztertuko ditugu, CO2 gehikuntza, sektoreek duten garrantzia, eta horretan noski hondakinen kudeaketak eta tratamenduak duten ekarpena.

Hondakinak aztertzerakoan etxeko hondakin solidoei begira jarriko gara. Zenbat hondakin sortzen dugu egunero? Hondakinak, jerarkiak, zenbat da konpostagarria?, non eta noiz da hondakina edo lehengaia?. Ze helburu bete behar ditugu 2020rako?

• Hondakinak erreko bagenitu material solidoa desagertuko litzateke eta halaber energia berriztagarria eskuratuko genuke. Gezur hutsa dena baina sarri entzuna.

Zer da erraustegi bat? Zabalgarbi eta Zubieta. Zer erretzen dute? Energetikoki ikusita errentagarriak dira? C H O Cl N P Fe Al W batera 700Ketan erretzen ditugunean , hau da, hondakinak erraustegiko labean, zer irteten da tximiniatik? Bakarrik CO2 eta ura?. Arrenhius, katalizatzaileak, dioxinak eta furanoak, bioakumulazioa.

Konposta. Bere ondorio eta onurak. Konpostagarria den hondakinen zatiarekin konpostatuko bagenu, zenbat CO2 bota gabe?