Enpresen eta profesionalen sarea

EKST. Sormenean hezi, kulturan bizi II. SENPERE.

UEU

2021-10-23

Jardunaldi hau Euskal kultur sorkuntzaren transmisioa. Sormenean hezi, kulturan bizi. II. Jardunaldiaren barne emango da.

Euskal kultur sorkuntzaren transmisioa. Sormenean hezi, kulturan bizi. II. Jardunaldia.

UEU

2021-10-23

Nola sozializatzen gara kulturgintzan eskolaz kanpo?

2018ko urrian ehun lagunetik gora bildu ginen Azpeitin ‘Sormenean Hezi, Kulturan bizi’ I. jardunaldian. Jardunaldiok antolatzeko abiapuntua argia zen: euskal kulturgintzaren transmisioan ( ezagutzan eta praktikan) etena eman da. Ondorioz euskal kulturgintzaren transmisioa ez dago bermatuta hezkuntza arautuan, hezkuntza ez-arautuan eta familia edo etxe giroan.

Azpeitiko jardunaldiak hezkuntza arautuan euskal kulturgintzaren transmisioaren egoeraren erradiografia egin eta Euskal Herri osoan elkarrekin aritzeko prest leudekeen eragileak identifikatzeko antolatu genituen. Jardunaldi haietatik sortu zen gaur egun lanean ari den Euskal Herri osorako ikuspegia duen lan-talde bat. 

Abiapuntu eta helburu berberekin antolatu ditugu 2021eko urria eta azarorako II. jardunaldiok:

• 2021-10-23 - SENPERE ( Larraldea )
• 2021-11-06 - LAUDIO ( Aiaraldea Ekintzen Faktoria )
• 2021-11-13 - LESAKA ( Harriondoa )
• 2021-11-20 - AZPEITIA ( Elikagunea )

1.- Abiapuntua

Hezkuntza araututik kanpo euskal kulturgintzaren transmisioaren ( ezagutza eta praktika ) egungo egoera esperientzia praktikoetatik ezagutu nahi dugu. Egunerokoan gorpuzten diren esperientzia praktiko horien lagungarri, marko teoriko bat proposatu nahi dugu, zeina honako bi galderak hausnartuta osatu asmo dugun:

1. Nola euskaltzaletzen gara? 
2. Nola kulturzaletzen gara?    
3. Nola sozializatzen gara euskarazko kultur sormenaren inguruan? Zein espazio ditugu euskarazko kultur sormenaren inguruan elkartzeko?
4. Zer egin genezake elkarrekin euskal kulturgintzaren ekosistema osatzen dugun Euska Herri osoko eragileok?

2.- Helburua

Jardunaldiotatik Euskal Herri osorako ikuspegia duen lan-talde bat osatu nahi dugu, zeinak euskal kulturgintzaren transmisioa ( ezagutza eta praktika ) eskolaz kanpo nola bermatu genezakeen aztertu eta proposatuko duen.