2024-04-29 - Agenda

Nola muntatu phishing-kanpainak GoPhish-ekin

Enpresa Digitala

2024-04-29 (09:30 - 00:00)

Phishinga zibereraso-mota bat da, jendea engainatzeko eta informazio konfidentziala lortzeko erabiltzen dena, hala nola pasahitzak, bankuko informazioa, etab. Teknika bat baino gehiago daude phishing bidez erasotzeko, baina posta elektronikoa erabiltzen da gehiena. Hala, erasotzaileak itxura legitimoa duten mezu elektronikoak bidaltzen ditu, non erabiltzailearen informazioa lapurtzeko diseinatuta dauden webgune maltzurretarako estekak baitaude.

Bada beste teknika bat ere, spear phising delakoa. Phishing masiboaren taktika erabili beharrean, gizabanako espezifiko batzuek osatutako taldeetara bideratzen da, erakunde baten aktibo espezifiko batzuetarako sarbidea dutenak aukeratuta.

Horregatik guztiagatik, tailer honen helburua da phishing-kanpainak automatizatzeko tresnak ulertzea eta horrelako erasoen gainean kontzientziatzea. Horretarako, Gophish kode irekiko tresna erabiliko da.

Info gehiago

Sor itzazu soluzio digitalak programatu gabe OpenAI ChatGPTrekin - Meatzaldea

Enpresa Digitala

2024-04-29 (09:00 - 00:00)

Etengabe aldatzen ari da mundu digitala, eta adimen artifiziala (AA) kontzeptu futurista izatetik gure eguneroko bizitzako hainbat arlotako funtsezko tresna izatera igaro da. Adimen artifiziala aldatzen ari da teknologiarekin interakzioan aritzeko dugun modua eta eguneroko erronkei aurre egiteko modua. Hala ere, beti izan da erronka teknologia hori programazioan esperientziarik ez dutenentzat eskuragarri jartzea. Hor kokatzen da ikastaro hau.

Info gehiago

RAG sistemen hastapenak: ChatGPT eta hizkuntza-ereduak indartzeko gakoa (Online)

Enpresa Digitala

2024-04-29 (16:00 - 00:00)

Sarrera-jardunaldi honetan, berreskuratze bidez areagotutako sorkuntza-sistemak (RAG, Retrieval Augmented Generation) ulertu eta aplikatzeko lehen urratsak eskaintzen zaizkie horretan lehen pausoak eman nahi dituzten profesionalei. Ikuspegi argi batetik, erakutsiko dugu RAG sistemek nola aberasten dituzten hizkuntza-ereduak (ChatGPT, esaterako) informazio eta ezagutza gehigarriekin, eta eredu horiek nola bihurtzen dituzten tresna malguago eta adituago, askotariko gaietan.

Zer dira RAG sistemak, eta zer garrantzi dute hizkuntza-ereduetan? Berreskuratze bidez areagotutako sorkuntza-sistemak (RAG) mugarri bat dira adimen artifizialaren esparruan, eta garai berri bat markatzen dute hizkuntza naturalaren prozesamenduan (PLN). Sistema horiek bi munduren arteko onena batzen dute: hizkuntza-sorkuntza aurreratua, hala nola ChatGPTk egiten duena, eta denbora errealeko informazio-biltegi handietarako sarbidea. Fusio horri esker, hizkuntza-ereduek, aldez aurreko entrenamenduaz baliatzeaz gain, gaur egungo datuak eta gertaerak ere sar ditzakete beren erantzunetan, eta, horren ondorioz, inoiz ez bezalako zehaztasuna dute edukiak sortzen.

Info gehiago

GEHITU SARERA

facebook twitter youtube rss linkedin

Agenda

aurrekoa 2024 maiatza hurrengoa
AlAsAzOgOrLrIg
  145
101112
171819
2526