Enpresen eta profesionalen sarea

Ibermáticak bere softwarea ezarriko du nazioartean

2012-07-17 - Enpresarean

Ibermáticak lortu du. Mon­dragón Assemblyk lehen mailako sustatzaileen artean enpresa hau hautatu du bere enpresa-kudeaketarako softwarea RPS 2012 ezarri dezan kooperatibaren ekoizpen-lantegi guztietan, bai Estatuan eta, baita, atzerrian. Gainera, proiektu honek Bikain­tasunaren Zentro baten sorrera ekarri du eta hirugarrenei zabalik egongo da soluzio eta praktika berritzaileak burutu ditzaten.

RPS 2012-k oso harrera ona izaten ari du merkatuan duen ­ezaugarri transformatzailea dela eta. Horrexegatik, Mondragón Assemblyk aukeratu du. Ibermáticaren Soluzio Enpre­sarialen Unitatetik garapen-proiektu garrantzitsua eramaten ari da aurrera eta nazioarteko parametroraino hedatzen da. Hala, produktua ERP belaunaldiko SOA­n (Zer­bi­tzuetara Bi­deratu­tako Software Arkitek­tura) kokatzen da eta alor industrialean berezitzen da batez ere.

Baina enpresa bat aukeratzeko prozesua ez da laburra izan. Hautatze-prozesuak urte bateko iraupena izan du; Mondra­gone­ko Unibertsitateak aholkularitza lanak burutu ditu. Ibilbide honetan, 10 ERP aritu dira lehian eta azkenean, RPS 2012 izan da aukeratua. Izan ere, berrikuntza asko eman dira produktu honen garapen-prozesuan; adibidez: prozesuen orkestrazio gaitasuna eta antolakuntzarako metrika ­eraginkortasuna edo, CAD alorrekin bat eginez, multiproiektuen kudeaketan duen potentzia.

Aipatzekoa da sistema enpresa bakoitzaren lan-bilakaerara moldatzen dela. Horrez gain, gaitasun kolaboratzileak garatzen ditu prozesuetan hirugarrenen presentzia areagotzeko.

Ondo­ri­oz, enpresaren eragina zabaldu ­eta hasieratik bukaeraraino parte hartzen duten per­tsona ororekin harremanak sustatzen ditu. Era berean, RPS 2012-k teknologia so­zialeko gaitasun berri­tzaileak garatzen ditu. Hau da, datuek dimentsioak dituzte eta profesionalek beraien interpretazioa gaineratu dezakete edozein momentutan.

Azken batean, sistema honek lan-taldea bultzatzen du informazioa eta interpretazioa (egituratua eta egituratu gabea) partekatzeko aukera zabalak luzatuz. Beste alde batetik, per­tso­nen ezagupenak txertatzeko abagunea ­ematen du; modu honetan, datuak sozializatzen dira (pertsonek prozesuan parte har­tzen dute betean) eta ekoizpena handi­tzeko aukera ere bada.

Bikaintasunaren Zentroaren sorrerak pisu handia dauka pro­iektu honetan. Esan bezala, hirugarren agente batzuk praktika berritzaileak garatzeko aukera ­izango dute bertan. Modu berean, batetik, Mondragón Assem­blyk balio gehigarria emango die bere soluzioei zerbitzuen sorreraren bidez. Bestetik, Ibermáti­ca berrikuntza protagonista den ­agertokian arituko da eta merkatuak planteatzen duen parametro errealetik lan egingo du punta puntako teknologia eta enpresekin batera.

Roberto Sanchézek, Mondra­gón Assembly Siste­me­tako zuzendariak, adierazi zue­nez, pro­iektu honen helburua da, azken urtean zehar, konpainiak burutu dituen prozesuen analisi eta egokitasunak beteko dituen kudeaketa integraleko sistema bat ­ezartzea. “Modu honetan, integrazio naturala lortuko du enpresaren alor desberdinetan, bulego teknikoaren eta gainontzeko alorren artean integrazioa nabarmenduz”, azaldu zuen.

Iturria: Lanabesa