Enpresen eta profesionalen sarea

Europako enpresen % 11k negozio aukerak galtzen ditu, hizkuntzak modu egokian ez kudeatzeagatik

2015-05-06 - Enpresarean

Hizkuntzen kudeaketa enpresetan

Enpresek hizkuntzak egoki kudeatu behar dituzte, bi arrazoi nagusirengatik:

1. Negozioa bideratzeko abantaila nabarmena direlako
2. Leku bakoitzeko eta are gehiago norbanako bakoitzarekiko hizkuntz ekologia errespetatzea errespetu seinale delako. Gogoratu bestela, Gaizka Garitano Eibar futbol taldeko entrenatzaileari gertatu zitzaiona eta nola erantzun zien Almeria futbol taldeko komunikazio arduradun Juanjo Morenok bertako hedabideetako kazetariei.

Garitanok ere kazetari bakoitzari bere hizkuntzan egiten dio.

Enpresa mundua ere ez da salbuespen. Hori dela eta, hizkuntzek, gure kasuan euskarak, negozio munduan duen garrantzia azpimarratzen duten hainbat erreferentzia emango ditugu:

• Johan Haggman Europako Batasuneko Eleaniztasunerako koordinazio taldeko Policy Officer-aren arabera, enpresa batek lehiakorra izan nahi badu, ingelesaz gain, hizkuntza gehiago kudeatu behar ditu, “eleaniztasunik gabe, merkatuak ez du funtzionatuko. Nahi duzuna eros dezakezu ingelesez, baina eroslearen hizkuntzan soilik saldu ahalko duzu”.

• Nelson Mandelaren esaldi oso polita dago: “Pertsona bati ulertzen duen hizkuntza batean hitz egiten badiozu, hori bere intelektora doa, baina bere hizkuntzan hitz egiten badiozu, hori bihotzera doa”. Eta horrek negozio mundura aplikatuta, arrakastarako aukera gehiago esan nahi du.
•  2007an Europako Batasunak argitaratutako ELAN txostenaren arabera, urtero Europako enpresen k negozio aukera garrantzitsuak galtzen ditu, hizkuntzak modu egokian ez kudeatzeagatik.

Euskara ez da salbuespena. Azken Mapa Soziolinguistikoaren arabera, EAEn biztanleen %36,4 elebiduna da eta ,3 elebidun hartzailea. Oarsoaldeko azken kale neurketen datuen arabera, Errenterian ,7 euskaraz ari da, Pasaian ,9, Lezon %35,8 eta Oiartzunen %52,9.

Euskaldunoi ere gure hizkuntzan hitz egin diezagutela gustatzen zaigu, horrek konfiantza ematen digu, errespetatuak sentitzen gara, gerturatze bat gertatzen da eta horrek sarri erosketa burutzen laguntzen du.

Horregatik Oarsoaldean enpresei zuzenduriko ekintza bereziak ere sostengatzen ditugu: OLA plana eta Lantokiko praktikak euskaraz.

Informazio gehiago:

www.oarsoarrak.net/euskara/albisteak/hizkuntzen-kudeaketa-enpresetan