Enpresen eta profesionalen sarea

Bidegorriak euskararentzat esanez, aldarrikatu nahi dugu euskarak bidegorriak behar dituela, bertako hizkuntzak arnasa hartzeko guneak, eta ULMAk ere bere ekarpena egin nahi duela lan-arloan euskarari bidegorriak eskainiz, lanean euskara gero eta gehiago erabiliz. ULMA ere ekosistema horren parte baita.

Aldarrikapen hori irudikatzeko,   irailaren 23an, ULMA Taldeko negozio guztietako langile eta bazkideak lanetik atera eta bidegorrian zehar joango gara jai giroan eta denok elkarrekin  Oñatiko plazaraino, eta bertan, ULMAn urtean zehar hartutako euskararekiko konpromisoen berri emango dugu muralen eta beste jarduera batzuen bidez. Azkenik, KALAKAN musika taldearen kontzertuarekin emango diogu amaiera jaiari.

Horretaz gain, urte osoan zehar beste hainbat ekintza antolatutako ditugu. Hau da urte osoko egitaraua:

1. Martxoan, apirilean eta maiatzean:

• Hizkuntza ekologiaren dekalogoa ezagutzera emango dugu ULMAn.
• Hizkuntzen inguruko galdera-erantzunen lehiaketa antolatuko dugu, ULMAko langileen artean.

2. Ekaina eta uztaila:

• Portaera linguistikoen inguruan hausnartuko dugu ULMAn.
• ULMAko langileen euskararekiko konpromisoak jaso eta mural batean irudikatuko ditugu.
• Oñatiko ikastetxeetako ume eta gaztetxoekin gaia landuko dugu.

3. Irailaren 23an:

• Bidegorriak euskararentzat: negozioetatik Oñatiko plazara, bidegorrian zehar
• Ospakizun ekitaldia, Oñatiko plazan: ekitaldi publikoa, trikitilariak, slack-line jokoa, muralak…
• Kalakan musika taldearen kontzertua.