Enpresarean

Soinutik testura eta alderantziz: AAk audioaren arloan dituen erabilerak

Enpresa Digitala

2025-05-13 (09:30 - 00:00)

Ikastaro honetan, sakon aztertuko dugu adimen artifizialean oinarritutako tresnen eta plataformen ekosistema, adimen artifizialaren boterea funtsezko bi helburu hauetarako baliatzearen ikuspegitik: audio-formatuko edukia zehaztasunez transkribatzea, eta soinu-eduki benetan berritzaile eta pertsonalizatua sortzea.

Saioan, ikasiko duzu gaur egun eskuragarri dauden tresna nagusiak erabiltzen eta inplementatzen testuinguru profesional eta sormenezko ugaritan. Horri esker, egun dauden prozesuak optimizatu eta arintzeaz gain, audioarekin lan egiteko duzun modua goitik behera aldatuko duten sorkuntza-aukera berriak aurkitu eta aztertu ahal izango dituzu.

Info gehiago

CRA - Zibersegurtasunari buruzko araudia betetzea

Enpresa Digitala

2025-05-13 (09:30 - 00:00)

Industria-enpresek zibersegurtasunaren arloko arauetara egokitzeko gero eta behar handiagoa dute, eta horri erantzuteko jarri da martxan tailer hau. Digitalizazioak eta interkonektibitateak areagotu egin dituzte informazioaren segurtasunari lotutako arriskuak; hori dela eta, erakundeek araudi zorrotzak bete behar dituzte, hala nola Cyber Resilience Act delakoa.

Tailer honen helburua da enpresei beharrezko ezagutzak eta tresnak ematea araudi horiek ulertu eta aplikatzeko, eta, hala, azpiegitura kritikoen segurtasuna eta erresilientzia bermatzea. Industria-enpresei laguntzeko diseinatuta dago (automobilgintza, azpiestazio elektrikoak, tren-enpresak, etab.), uler dezaten zer eragin duen Cyber Resilience Act-ek beren sistemen segurtasunean.

Info gehiago