Enpresen eta profesionalen sarea

Barnetegi Teknologikoa: ChatGPTre eta beste AA Sortzaile tresna batzuen erabilera praktikoa

Enpresa Digitala

2024-05-21 (09:00 - 00:00)

ChatGPTren eta beste AA sortzaile tresna batzuen erabilera praktikoa” Barnetegi Teknologikoa 8 ordutako formazio programa bat da, diseinatua partaideei eskaintzeko Adimen Artifizial (AA) sortzailearen aplikazioen ulermen sakon eta praktikoa, arreta berezia jarrita ChatGPT eta beste AA sortzaile tresna batzuetan.

Irudien tratamendurako Deep Learning

Enpresa Digitala

2024-05-21 (09:00 - 00:00)

Prestakuntza programa hau ikaskuntza sakonaren arloan edo Deep Learning (DL) arloan ezagutzak hartu nahi dituzten enpresa teknikarientzat, ikerketa zentroetako teknikarientzat eta lanbide heziketako irakasleentzat diseinatu da.

Industrian, askotariko problemak ebazteko erabiltzen da IA, hala nola fabrikazioko akatsak atzemateko, hornidura-katearen optimizaziorako, eskaeraren aurreikuspenerako eta energia-eraginkortasunaren hobekuntzarako. Gainera, IA produktuen eta zerbitzuen kalitatea hobetzeko erabiltzen da, eta horrek bezeroaren gogobetetasuna eta markarekiko leialtasuna areagotu ditzake. Enpresei ere lagundu diezaieke beren eragiketak optimizatzen eta karbono-aztarna murrizten, bai eta IA moduluena ere. 

Ikasturtean zehar, ikaskuntza sakonean edo Deep Learningean oinarritutako tekniken gaineko prestakuntza teorikoa eta praktikoa emanen da. Gai hauek jorratuko dira:: 

• Ikaskuntza sakon gainbegiratua: Konboluzio-sareak (CNN) irudiak sailkatzeko, segmentatzeko, objektu eta sare errepikariak detektatzeko.
• Ikaskuntza sakona, ez gainbegiratua: Autoencoder-ak, aurkako sareak eta irregulartasunak atzematea.
• Ikaskuntza sakoneko moduluen hedapena (hardware dedikatua edo Edge Computing).
• IAren karbono-aztarna minimizatzeko teknikak

RAG: ChatGPT eta hizkuntza-ereduak indartzeko gakoa

Enpresa Digitala

2024-05-21 (09:00 - 00:00)

Ikastaro hau Berreskuratze bidez areagotutako sorkuntza-sistemen (RAGS) ulermenean eta aplikazioan sakondu nahi duten profesionalei zuzenduta dago. Ikuspegi nagusia RAGSek hizkuntza-ereduetan (ChatGPT, esaterako) edukiaren sorkuntza nola hobetzen duten aztertzea da, ezagutza gehigarria emanez eta eredu horiek hainbat gaitako aditu bihurtuz.

Zer dira RAG sistemak, eta zer garrantzi dute hizkuntza-ereduetan? RAGSak jauzi kualitatiboa dira adimen artifizialean, eta aukera ematen dute ChatGPT bezalako hizkuntza-ereduek informazio-sorta zabala eskuratzeko testua sortzeko prozesuan. Horrek esan nahi du ezagutza eguneratuak eta espezifikoak txerta ditzaketela, hainbat eremutan eredu aditu gisa funtzionatzeko gaitasuna handituz. Ezaugarri hori funtsezkoa da emandako informazioan zehaztasun eta garrantzi handia behar duten aplikazioetarako, laguntza birtual pertsonalizatutik hasi eta negozio-adimeneko soluzioetaraino.

Markaren eta bezeroaren arteko harremana optimizatzea erakundeak harremanetarako dituen bide guztiak baliatuz

Enpresa Digitala

2024-05-21 (09:30 - 00:00)

Markaren eta bezeroaren arteko erlazioa nola maximizatu aztertuko dugu, erakunde batek bere audientziarekin dituen harreman-bide guztiei erreparatuta. Harremanetarako bide guztiek —izan aurrez aurrekoak, izan lineakoak edo izan sare sozialen bidezkoak— izan dezakete eragina bezeroak duen markaren pertzepzioan eta haren gogobetetzean.

Hizpide izango dugu zer garrantzitsua den markaren balioak eta identitatea interakzio guzti-guztietan islatzen direla ziurtatuta koherentziari eustea komunikazioan eta bezeroek kanal guztietan duten esperientzian.