Enpresen eta profesionalen sarea

Barnetegi Teknologikoa: "ChatGPT eta IA Sortzaileko beste tresna batzuen sarrera praktikoa"

Enpresa Digitala

2025-04-03 (09:00 - 00:00)

Barnetegi Teknologikoa 8 orduko tailer praktikoa da, Adimen Artifizial Sortzailea (AAS) mota guztietako profesionalengana hurbiltzeko diseinatua, aurretiko ezagutzarik izan beharrik gabe. Jardunaldiaren zehar, parte-hartzaileek tresnak, hala nola ChatGPT, erabiltzen ikasiko dute eta IASren beste aplikazio batzuk aztertuko dituzte, teoria eta ariketa praktikoak uztartuz.

Barnetegi Teknologikoak AASren sarrera sinple eta eskuragarria eskaintzen du, hutsetik hasita. Tailerrean, parte-hartzaileek teknologia horiek eguneroko lanean eta sektore desberdinetan nola aplika daitezkeen aurkituko dute. Horrez gain, aukera, muga eta praktika onak aztertuko dira, erabilera eraginkor eta arduratsua bermatzeko.

Aprobetxatu Googleren AA: Gemini eta NotebookLM tresnei buruzko ikastaro praktikoa

Enpresa Digitala

2025-04-03 (09:30 - 00:00)

Ikastaro honekin, Google Geminiren eta NotebookLMren gaitasun aurreratuenetan eta funtzionalitate interesgarrienetan sakonduko duzu, erabiltzaile-mailan. Googleren adimen artifizial sortzaileko tresna nagusiak dira.

Tailerra amaitutakoan, zehatz-mehatz ulertuko duzu adimen artifizialeko tresna sofistikatu hauek nola eralda eta optimiza ditzaketen zure eguneroko zereginak. Ikaskuntza praktikoko eta interaktiboko esperientzia baten bidez, teknologia hauek eraginkortasunez integratzen eta erabiltzen ikasiko duzu, eta berariazko estrategia eta teknikak aurkituko dituzu produktibitatea eta efizientzia nabarmen hobetzeko zure lan-ingurunean; hala, emaitza hobeak lortuko dituzu ahalegin gutxiago eginez.

Nola egin aurkezpenak adimen artifizialarekin? - Meatzaldea

Enpresa Digitala

2025-04-03 (09:00 - 00:00)

Dokumentuak sortzea izaten da, enpresa batean, lanik ohikoenetako bat, eta, bereziki, aurkezpenak sortzea (produktuak eta zerbitzuak erakusteko, katalogoak, proposamenak, etab.). Baliabide asko xahutzen dira horretan. Txantiloiak sor daitezke, bai, baina adimen artifizialarekin hori baino askoz ere gehiago egin daiteke, produktiboagoak izaten laguntzen baitigu: zeregin errepikakorrak automatizatu, edukia berrantolatu, diseinua moldatu, akatsak ekidin, baliabideak sortu (adibidez, irudiak, animazioak, infografiak, diagramak...). Horri guztiari esker, denbora aurrez dezakegu, baita emaitza hobeak lortu eta emaitzok behar bakoitzera egokitu ere.

Microsoft Copilot: Lanpostuaren bilakaera IA generatiboa integratuz

Enpresa Digitala

2025-04-03 (09:30 - 00:00)

Datu-arkitektura aro digitalean: industria-produktibitatea handitzeko eta hobetzeko azpiegiturak

Enpresa Digitala

2025-04-03 (09:30 - 00:00)

Datu gobernatuaren ekosistema bat ezartzeko beharra handitzen ari da erakundeetan, datuak erakundeentzat funtsezko informazio-aktibo gisa erabiltzen ari direlako eta Adimen Artifiziala (AA) agertu delako. Ekosistema horretan pertsonek eta analisi-sistemek eta -eragileek datuak erabiltzeko eta ustiatzeko ahalmena izan behar dute.

Egun, konpainien % 70 baino gehiago ari dira datuak prestatzeko proiektuak lehenesten, eta kontuan hartzen dute datuaren kalitatea, datuen gobernantza eta analitika deskribatzailea eta preskriptiboa aplikatuta balioa lortzeko behar duten sistema-arkitektura.

Jardunaldi honetan, datu-arkitektura eskalagarri bat aurkeztuko da, industria-sektorera bideratua, Smart Factory kontzeptuan oinarritua eta 4.0 Industria deritzonaren barruan sartua. Smart Factory arkitektura baten osagai nagusietako bat da IIoT (Industrial Internet of Things). Horrek aukera ematen du fabrikako gailu eta aktiboen datuak (OT) eta kudeaketa industrialeko sistema informatikoen (IT) datuak eskuratu eta ustiatzeko. Egun industria-inguruneetan erabiltzen diren teknologiak integratzen ditu (SCADA, MES, ERP), eta mota guztietako datuak (egituratuta daudenak, ez daudenak eta tartekoak) analizatzeko gaitasuna eskaintzen die erakundeei.

Excel 2.0: Non Datuek dantza egiten duten eta AAk orkestra zuzentzen duen

Enpresa Digitala

2025-04-03 (09:30 - 00:00)

Tailerra esperientzia praktiko bat da, non parte hartzaileek kalkulu tauletako datuen gestioa eta analisia iraultzen ari diren adimen artifizialeko tresnak menderatzen ikasiko duten. Tailerrean teoria eta ariketa praktikoak egongo dira, nahasita, parte hartzaileek prozesuen automatizatzen, analisiak optimizatzen eta dashboard adimendunak sortzen ikas dezaten AA erabiliz, edo datuak garbitzen.

Gune berritzaile honetan deskubrituko duzu nola integratu AAko teknologia, kalkulu orri tradizionalak erabakiak hartzeko sistema autonomo bihurtzeko. Zeregin errepikakorrak automatizatzen, ezkutuko patroiak identifikatzen eta informazioa bistaratzen ikasiko duzu, dena modu ikaragarrian eginda.

Tailerraren amaieran, proiektu oso bat garatuta izango dugu AA bidez automatizatutako analisia eginda eta zure produktibitatea indartzeko eta
ingurune profesionaletan erabakiak hartzeko trebetasunak izango dituzu.