Enpresen eta profesionalen sarea

NIK Patrika Digitala: zure mugikorra osasun-zentroan, farmazian, kiroldegian eta askoz gehiago

Enpresa Digitala

2025-06-25 (09:30 - 00:00)

Internetek pertsonen arteko harremana aldatu du. Erabiltzen ditugun zerbitzu digitalen aukera gero eta zabalagoa da, bai arlo profesionalean, bai sare sozialek posizio garrantzitsua duten aisialdian. Eremu digitalean, oinarrizko alderdi bat erabiltzailearen nortasuna da, zerbitzu horietan “aurkeztu” behar baita.

WordPress aplikazioen hardening-a

Enpresa Digitala

2025-06-25 (09:30 - 00:00)

Hobetu WordPress-en oinarritutako web-aplikazioen segurtasuna hardening tekniken bidez. Kalteberatasun arruntak arinduko dituzu eta ingurunea indartuko duzu, erasoetatik babesteko.

WordPress-en ospea gero eta handiagoa da, eta, gaur egun, Interneteko webguneen % 40k baino gehiagok erabiltzen dute. Horregatik, zibergaizkileentzako lehentasunezko helburu bihurtu da. Plataforma hau bereziki kaltebera da; izan ere, 58.000 plugin baino gehiagoko ekosistema du, eta horietako askok segurtasun-arazo larriak eta konfigurazio okerrak dituzte, eta ez dute mantentze-lanik. Estatistikek adierazten dute WordPress-en kalteberatasunen % 98 hirugarrenen pluginekin lotuta daudela eta konfigurazio lehenetsiek sistemaren eremu kritikoak agerian uzten dituztela.

Excel 2.0: Non datuek dantza egiten duten eta AAk orkestra zuzentzen duen

Enpresa Digitala

2025-06-25 (09:30 - 00:00)

Tailerra esperientzia praktiko bat da, non parte hartzaileek kalkulu tauletako datuen gestioa eta analisia iraultzen ari diren adimen artifizialeko tresnak menderatzen ikasiko duten. Tailerrean teoria eta ariketa praktikoak egongo dira, nahasita, parte hartzaileek prozesuen automatizatzen, analisiak optimizatzen eta dashboard adimendunak sortzen ikas dezaten AA erabiliz, edo datuak garbitzen.

Gune berritzaile honetan deskubrituko duzu nola integratu AAko teknologia, kalkulu orri tradizionalak erabakiak hartzeko sistema autonomo bihurtzeko. Zeregin errepikakorrak automatizatzen, ezkutuko patroiak identifikatzen eta informazioa bistaratzen ikasiko duzu, dena modu ikaragarrian eginda.

Tailerraren amaieran, proiektu oso bat garatuta izango dugu AA bidez automatizatutako analisia eginda eta zure produktibitatea indartzeko eta ingurune profesionaletan erabakiak hartzeko trebetasunak izango dituzu.

Merkataritza elektronikoko fidelizazio-estrategia, Adolfo Dominguezeko Patricia Alonsorekin (Online)

Enpresa Digitala

2025-06-25 (09:30 - 00:00)

Bezero berriak lortzea gero eta garestiagoa eta lehiakorragoa den ingurune digital batean, fidelizatzea giltzarrietako bat bihurtu da edozein merkataritza elektronikoren errentagarritasuna eta jasangarritasuna ziurtatzeko. Hain zuzen, bezeroa lortzeko kostua (BLK) % 60 handitu da azken bost urteetan (Forbes, 2022), eta atxikipena hobetzeak, berriz, % 25 eta % 95 artean handitu ditzake irabaziak, Bain & Companyren ikerketa baten arabera. Testuinguru horretan, fidelizazioan inbertitzen duten markek, kostuak murrizteaz gain, harreman iraunkorrak eraikitzen dituzte, eta horrek bezeroaren bizi-zikloaren (BBZ) balioa handitzen du.

Gainera, datuek erakusten dute bezero fidelak gehiago bihurtzen duela. Flat 101en 2023ko azken merkataritza elektronikoko bihurketa-barometroaren arabera, merkataritza elektronikoaren erabiltzaile errepikatzaileek, batez beste, berriek baino % 142 gehiago bihurtzen dute. Modan, edergintzan, elikagaigintzan eta horien moduko sektoreetan, are handiagoa izaten da alde hori. Horrek agerian jartzen du zeinen garrantzitsua den arreta jartzea erosketa-osteko esperientzian, pertsonalizazioan eta fidelizazio-ekosistema sendoen diseinuan.

Jardunaldi honetan, bezeroak fidelizatzearen onurez hitz egingo digu Patricia Alonsok, eta, bere esperientziako kasu errealen berri ematearekin batera, gure fidelizatze-estrategia definitzen lagunduko digu. Adolfo Dominguezek, ADN izeneko ekosistemaren barruan, zerbitzu-multzo bat eskaintzen du bezeroengandik are hurbilago egoteko; horrela, aurrerapausoak ematen ditu fidelizazio-estrategietan. Patricia Marketin eta Komunikazio zuzendari korporatiboa da gaur egun Adolfo Domínguezen. Aurretik, ONOrako eta Cortefiel talderako ere aritu da lanean, Loyalty and Customer Intelligenceko zuzendari gisa.