Enpresen eta profesionalen sarea

Sarrera Adimen Artifizial Generatiboan: ulertu, erabili eta prestatu etorkizunerako (On line Euskeraz)

Enpresa Digitala

2025-09-25 (09:30 - 00:00)

Adimen Artifizial Generatiboa (AAG) gure eguneroko bizitzan eta lan-jardueretan gero eta presenteago dagoen teknologia da. Hiru orduko ikastaro labur honetan, ezagutza teknikorik gabe, oinarri bat eskuratuko duzu AAG zer den ulertzeko, haren funtzionamendua azaltzeko eta nola erabil dezakezun zure eguneroko lanean, zure negozioaren produktibitatea handitzeko eta erabaki hobeak hartzeko. Gainera, arreta berezia jarriko dugu arriskuei eta mugak markatzen dituzten gai garrantzitsuenei buruz:pribatutasuna, segurtasuna eta araudi juridikoak.

Helburuak:
- Adimen Artifizial Generatiboaren oinarrizko kontzeptuak ulertzea.
- Tresna nagusien erabileran lehen urratsak ematea (ChatGPT, Copilot...)
- AAGrekin elkarreragiteko oinarrizko estrategiak ezagutzea: nola galdetu, nola lortu emaitza erabilgarriak.
- AAGren erabilera kasu arrunt eta baliagarriak ezagutzea, eguneroko negozio-jardueretan aplikagarriak.
- AAGren erabilerak dituen arriskuak eta muga legalak kontuan hartzea.

Nori zuzendua: Adimen Artifizial Generatiboaren inguruan ezagutzarik ez duten pertsona guztiei eta teknologia honen lehen hurbilketa praktikoa egin nahi dutenei.
 

Aurkezpen eraginkorrak Gamma.app erabilita (AA)

Enpresa Digitala

2025-09-25 (09:30 - 00:00)

Aurkezpenak egiteko AA erabiltzeak (Gamma) aukera ematen digu dokumentu profesional bat automatikoki lortzeko, abiapuntu gisa testu laburrak (gonbitak edo promptak), laburpenak, dokumentuak edo baita URLak ere erabilita. Denbora izugarri aurrezteaz gain, dokumentu argiak lortu ahal izango dituzu diapositiba zuri huts batekin hasi gabe. Gainera, web-teknologiak erabilita, aukera dago aurkezpena erraz eta azkar editatzeko, partekatzeko eta eguneratzeko.

Helburua da Gamma.app erabiltzen ikastea aurkezpen eraginkor, ikusgarri eta interaktiboak azkar sortzeko adimen artifizial bidez sortutako edukiak integrattuz, eta, hala, lan-fluxu profesionala optimizatzea.

Barnetegi Teknologikoa - Microsoft Copilot

Enpresa Digitala

2025-09-25 (09:00 - 00:00)

Microsoft 365 Copilotek, lan ingurunean eguneroko produktibitatea iraultzeko diseinatutako AAko laguntzaileak, dituen gaitasunak arakatzea, eta Microsoft 365eko tresna nagusiekin nola dagoen integratuta eta agenteak sortuz pertsonalizatzeko duen ahalmena erakustea.

Design Office Fun

Enpresa Digitala

2025-09-25 (09:30 - 00:00)

Paula de Álvaro

Elkarlaneko artxibo grafiko kontzeptuala, Basquerville Festibala. Design Office Fun©. Jolasaren helburua: kontzeptuak diseinatzea eta soluzio bisualak garatzea piktograma eta sinboloen bidez. Ideia konplexuak adierazteko modu berriak sortzea, ideia edo mezu bat transmititzeko modurik sinpleenetatik eta eraginkorrenetatik abiatuta. Yukio Otaren "Pictogram Design" liburutik ateratako piktogramak.

Women4Cyber Euskadi: Breaking Barriers, Building Cyber Resilience

Enpresa Digitala

2025-09-25 (18:30 - 00:00)

Women4Cyber erakundea European Cybersecurity Organisation (ECSO) erakundeak sortu zuen 2018an emakumeen parte hartzea sustatzeko zibersegurtasunaren esparruan. 2022an, Women4Cyber Spain sortu zen, eta, urte horretan bertan, Women4Cyber Council kontseiluaren Europako bilera egin zen Bilbon.

Women4Cyber-en helburua da emakumeak zibersegurtasunaren mundu zirraragarrian konektatzea eta inspiratzea, ingurune digital seguruago, berritzaileago eta askotarikoago bat eraikitzeko. Bestalde, emakumeen talentua bultzatu nahi du, eta, horretarako, aukerak sortzen ditu arlo horretan etorkizuneko profesionalentzat hainbat ekimenen bitartez, hala nola CybHerTalks, W4C Startup School eta Mentoring Programa.

Testuinguru horretan kokatzen da Women4Cyber Euskadi Topaketaren lehenengo edizioa, zeinetan zibersegurtasunarekin lotutako erronka eta oztopoez hitz egingo baitugu, baita pertsona guztien arteko lankidetzaren beharraz ere erronka horiei erantzuteko eta zibersegurtasun-ekosistema partekatu bat sortzeko. Hori guztia giro lasai, dinamiko eta parte-hartzaile batean.