Enpresen eta profesionalen sarea

ADCS: erasoa eta defentsa (Euskal Encounter)

Enpresa Digitala

2026-07-24 (16:30 - 00:00)

OpenGune - SPRI-Enpresa Digitala tailerren gunean

Active Directory Certificate Services (ADCS) enpresetako Windows ekosistemaren osagai kritikoenetako bat da, eta ez zaio behar adinako garrantzia ematen askotan. Hitzaldi honetan, osagai horrek defentsarako duen alderdi ilun bat aztertuko dugu.

Dokumentatutako eraso-teknika garrantzitsuenak errepasatuko ditugu, hala nola gaizki konfiguratutako ziurtagiri-txantiloien erabilera gehiegizkoa eta ziurtagiriak bektore gisa erabiliz alboka mugitzea eta pribilegioak eskalatzea. Ikusiko dugu nola erasotzaile batek domeinu oso bat jar dezakeen arriskuan, enpresa gehienetan oharkabean pasatzen diren konfigurazio ezegoki arruntak aprobetxatuz.

Baina dena ez da eraso; orobat ikusiko dugu nola detektatu, auditatu eta sendotu dezakezuen zuen PKI azpiegitura ADCS ez dadin izan BlueTeam-ek puntu itsu batean izan ohi duten bektore isil hori.

AAren garaian, ikasteko erritmoari eusteko, eraiki zure bigarren garuna (Euskal Encounter)

Enpresa Digitala

2026-07-24 (10:30 - 00:00)

OpenGune - SPRI-Enpresa Digitala tailerren gunean

Atzean geratzen ari zarela edo gauzek ihes egiten dizutela sentitzea (FOMO) oso sentsazio desatsegina da, eta horren irtenbidea da informazioa biltzen, antolatzen eta eguneratzen lagunduko digun sistema bat sortzea. Horretarako, Obsidian doako aplikazioa erabiliko dugu, AAko gure tresna gogokoenari konektatuta. Tresna horrek diziplina berri bat ikasteko orduan lagunduko digu informazioa antolatzen, ikaskuntza-planak sortzen, jarraipena egiten eta zereginak automatizatzen, gure trebetasunak hobetzen ere bai, edo, besterik gabe, jakin-mina sortzen diguten gaietan sakontzen.

Tailer honetan, tresna antolatzeko aukera nagusiak ikusiko ditugu, eta gure sistema pertsonalizatu eta sinkronizatua sortuko dugu, dena eskura izateko eta gure ikaskuntza planifikatzeko.