Enpresen eta profesionalen sarea

Proiektuen kudeaketa arina. Ikasi emaitza jasangarriak eta bezero fidelizatuak lortzeko metodoa

Enpresa Digitala

2025-01-29 (09:30 - 00:00)

Aldaketa ugariko eta ziurgabetasun handiko testuinguru batean bizi gara. Gure proiektuek ez dituzte betetzen deadlineak. Bezeroekin eta hornitzaileekin izaten ditugun borrokek zapuztu egiten gaituzte, eta ez digute laguntzen emaitza hobeak lortzen. Denbora asko ematen dugu proiektuak zenbatesten eta planifikatzen, eta, gauzatzen ari garenean, bezeroak bere beharrak aldatzea erabakitzen du. Ezin al zuen lehenago pentsatu?

Nola eraiki produktu digital bat, eta bizirik atera

Enpresa Digitala

2025-01-29 (09:00 - 00:00)

Aldagai ugari kudeatu behar dira produktu digital bat eraikitzeko, produktu hori dena dela (denda elektroniko bat, SaaS bat...). Merkatuan non konkatzen den bilatu behar da; eraiki beharrekoan lehentasunak ezarri behar dira, eraginkortasunez; oreka bilatu behar da erabiltzaileari egiten zaion proposamenaren eta inbertitzaileen eta enpresako sailen interesen artean.

Praktikaren bidez baino ezin da ikasi, eta, tailer honetan, bertatik bertara ikusiko dugu zer izan behar dugun kontuan, profesional gisa, halako proiektuetara egokitzeko orduan, profesionalki non koka gaitezkeen bila dezagun eta gure ezagutzaz eta talentuaz balia daitezen.

Kamera, Adimen Artifiziala (AA), ekin!

Enpresa Digitala

2025-01-29 (10:00 - 00:00)

Bideoaren mundua iraultzen ari diren adimen artifizialeko tresnak ezagutuko dituzu. Bideoak modu azkar eta sortzailean nola sortu eta aldatu aztertuko dugu, AAren azken teknologiak erabiliz prozesuak automatizatzeko, kalitatea hobetzeko eta sormen-aukerak zabaltzeko. Ikusizko efektuetatik hasi eta edizio aurreraturaino, AAk ikus-entzunezko produkzioaren etapa bakoitza nola sinplifikatzen eta azkartzen duen ikusiko duzu.

Gainera, AA plataformek eduki pertsonalizatua sortzen, postprodukzioa hobetzen eta sormen-lanaren fluxua optimizatzen nola lagun diezazuketen ikasiko duzu, eta, horrela, denbora gehiago eskainiko diozu alderdi artistikoari eta gutxiago teknikoari. Denbora aurreztea edo ekoizpenen kalitatea hobetzea bilatzen duen norbait bazara, hau da zure lekua.

Figma Essentials

Enpresa Digitala

2025-01-29 (09:00 - 00:00)

Kurtso hau diseinu digitalean hasten direnentzat diseinatuta dago, eta Figma erabiltzen ikasi nahi dutenentzat, erabiltzaile-interfazeak diseinatzeko tresnarik ezagunenetariko bat. Kurtsoan zehar Figmaren funtzio esentzialak aztertuko ditugu, hasieratik diseinu eraginkor eta kolaboratiboak sortzeko.
Oinarrizko kontzeptuak menderatzen ikasiko dugu, hala nola frames-en sorrera, osagai berrerabilgarrien diseinua, prototipo interaktiboak eta diseinu-proiektuen antolaketa. Horrez gain, ikuspegi praktiko eta egituratu bat garatuko dugu, modu antolatuago eta eraginkorragoan lan egitea ahalbidetuko diguna.

Helburuak: 

• Figmaren aukerak eta onurak ezagutzea diseinu kolaboratiborako tresna gisa.
• Figmaren oinarrizko kontzeptu eta funtzioekin ohitzea, hala nola frames, geruzak, osagaiak eta estiloak.
• Prototipo interaktiboak sortzen ikastea fluxuak eta funtzionalitateak bisualki balidatzeko.
• Diseinu-proiektuak modu eraginkorrean antolatzea osagai-bibliotekak eta oinarrizko diseinu-sistemak erabiliz.
• Figma nola errazten duen diseinu-, garapen- eta beste arlo batzuetako taldeen arteko lankidetza identifikatzea.
• Proiektu funtzional eta eraginkorrak sortzeko diseinu digitaleko tresnen erabileran konfiantza garatzea.

Nori zuzenduta:

Figmarekin hasi nahi duten diseinu digitalean interesa duten pertsonei, erabiltzaile-interfazeak sortzeko eta proiektuetan elkarlanean aritzeko tresna intuitiboa erabiliz.