Enpresen eta profesionalen sarea

Zibergertakariak kudeatzea eta zibergertakariei erantzutea: Enpresa Erresilientziarako Gakoak

Enpresa Digitala

2025-06-03 (10:00 - 00:00)

Mundu digital honetan, non zibersegurtasuneko mehatxuak etengabeak eta gero eta sofistikatuagoak diren, zibergertakariei erantzuteko eta zibergertakariak kudeatzeko estrategia eraginkorra izatea funtsezkoa da negozioaren jarraitutasuna babesteko.

Webinar honetan, segurtasun gorabeherei aurrean prest egoteko, gorabehera horiek detektatzeko, horiei erantzuna emateko eta horien ondoren lehengoratzeko jardunbide onenak aztertuko ditugu. Gertakariei Erantzuteko Plan batek duen garrantzia aztertuko dugu, bai eta SOCen, CSIRTen eta DFIRen zereginak eta Cyber Threat Intelligencek eta analisi forentseak kudeaketa eraginkorrean ematen duten laguntza ere.

Ekitaldi hau TIko profesionalei, zibersegurtasun arduradunei eta zuzendariei zibererasoetatik babesteko eta eraso horiei erantzuteko estrategiak indartzen laguntzeko diseinatuta dago.

Nola idatzi bisitariak bezero bilakatuko dituzten produktu-fitxa deigarriak?

Enpresa Digitala

2025-06-03 (09:30 - 00:00)

Ikastaro honetan zure bezeroen premiekin konektatzen duten, zure produktuen onurak azpimarratzen dituzten eta lehiakidez betetako merkatuan nabarmentzen zaituzten produktu-fitxak sortzen ikasiko duzu. Prezioa lehia-faktore bakar gisa ikustea alde batera uzten ikasiko duzu eta balioz, konfiantzaz eta profesionaltasunez betetako testuak egingo dituzu.

Gainera, erosi osteko bezero-esperientzia indartuko duten transakzio-mezu elektroniko eraginkorrak idazten ikasiko duzu. Ikusiko duzu, halaber, nola laguntzen duten ChatGPT eta adimen artifizialeko beste tresna batzuek idazteko prozesua arintzen zure ukitu pertsonala galdu gabe.

Datuen kudeaketa integrala: eskuratzetik integratzera denbora errealeko AA-ereduekin kode irekiaren bitartez

Enpresa Digitala

2025-06-03 (09:00 - 00:00)

Aro digitalean, funtsezkoa da erabaki estrategikoak hartzeko datuak modu eraginkorrean eta denbora errealean kudeatzeko gaitasuna. Ikastaro honetan, datuaren bizi-zikloaren ikuspegi osoa eskaintzen da: datuak atzitzea, adimen artifizialeko prozesuetan integratzea, aginte-koadroetan bistaratzea, ETL prozesuak eta eredu analitiko aurreratuak kudeatzea.

Ikuspegi % 100 praktiko baten bidez, proiektu erreal bat diseinatu eta inplementatuko dugu kode irekiko tresnak erabiliz, parte-hartzaileek datuen kudeaketa modernoaren praktika onenak ulertu eta aplikatzeko aukera izan dezaten.

EdgeAI: Adimen artifizialaren eginkizuna sare-ertzeko soluzioetan (Online)

Enpresa Digitala

2025-06-03 (09:30 - 00:00)

Adimen artifizialean oinarritutako soluzioak enpresa-sarean pixkanaka zabaltzen ari diren arren, sarearen ertzeko gailuak ez dira oso erabiliak datu-proiektuetan. Gailu horiek datu-prozesatze azkarragoa eta eraginkorragoa eskaintzen dute, eta hori funtsezkoa da latentzia faktore kritikoa den inguruneetan.

Gainera, kalkuluak egiteko eta erabakiak denbora errealean hartzeko gaitasuna dutenez, gailu horiek ezin hobeak dira berehalako erantzuna behar duten eta hodeirako konektagarritasunaren mende egon ezin diren aplikazioetarako. Hitzaldi honetan, adimen artifizialean oinarritutako soluzioen eta sare-ertzeko gailuen (Edge Computing) eta Internet of Things gailuen (IoT) arteko intersekzioa aztertuko dugu, aprobetxamendu hobea lortzeko eta asmo handiagoko erronkak lortzeko.