Enpresen eta profesionalen sarea

Sortu zeure GPT adimen artifizial pertsonalizagarria

Enpresa Digitala

2024-02-21 (09:30 - 00:00)

Prest zaude OpenAIrekin adimen artifizialaren munduan murgiltzeko? Tailer hau ez da ikastaro bat bakarrik, GPTren domeinurako bidaia praktiko bat baizik.

Teknologiak gure bizitzaren alderdi bakoitza birdefinitzen duen mundu honetan, adimen artifiziala (AA) jada ez da kontzeptu futurista bat bakarrik, baizik eta guztion eskura dagoen tresna boteretsu bat. Imajinatu zure negozio edo proiektu pertsonalerako AAko irtenbide pertsonalizatuak sortzeko ahalmena duzula, programazioan aditua izan beharrik gabe!

Datu-espazioak osasunaren arloan (Online)

Enpresa Digitala

2024-02-21 (09:30 - 00:00)

Digitalizazioaren eta datuak aktibo gisa erabiltzearen ondorioz, datuetan oinarritutako eta datuetara bideratutako kultura bat ari da hedatzen, eta erakundeen eta enpresen funtsezko kapital bihurtzen ari dira datuok. Haiek behar bezala ustiatzeko, beharrezkoa da datuaren kultura baterantz jotzea eta Datuen Ekonomiari loturiko estrategia bat ezartzea, hau da, dauden datuak esploratu eta ustiatzean oinarritutako negozio-eredu bati jarraitzen dioten ekimen, proiektu edo praktiken multzoari loturiko estrategia bat ezartzea. Hala, produktuak sortzeko edo hobetzeko aukerak identifikatu ahal izango dira, datuen inguruko lankidetzan oinarrituta.

Plan Digital batek zure ekintza digitalak antolatu eta neurtzen ditu. Zure ahaleginak errentagarri bihurtu eta emaitzak bermatzen ditu

Enpresa Digitala

2024-02-21 (09:30 - 00:00)

Tailerraren helburua da enpresei beren ekintza digitalak eguneratzen laguntzea, eta ahaleginak eta baliabideak antolatzen, neurtzen eta errentagarriago egiteko erabakiak hartzen laguntzea, emaitza hobeak lortzeko.

Negozio digitalen arduradunentzat eta enpresetako marketin-arduradunentzat da tailerra, hau da, digitalki non dauden eta bide egokitik doazen, norantz joan behar duten, nola eta zer ekintza diren egokienak jakiteko Plan Digital bat landu nahi dutenentzat, eta, horrekin guztiarekin, itzulera, presentzia, posizionamendu, bereizketa, bezero eta salmenta hobeak lortu nahi dituztenentzat.