Enpresen eta profesionalen sarea
2026-06-02 - Agenda
Seguru eraikitzea: zerbitzari gabeko APIen babes integrala
Enpresa Digitala
2026-06-02 (09:00 - 00:00)
Ikasi zerbitzaririk gabeko APIen ahuleziak identifikatzen, eta aplikatu segurtasun-neurri profesionalak bost orduan bakarrik, hodeitik.
Produkzioan dauden aplikazio guztiek erasoen aurkako babesa behar dute. Tailer honetan ikasiko duzu nola detektatu eta zuzendu ditzakezun segurtasun-akats nagusiak zerbitzaririk gabeko aplikazioetan, eta zer jardunbide egoki inplementatzen dituzten enpresek beren APIak babesteko, hodeian, tokiko instalaziorik gabe.
Tailer guztiz praktikoa da; aurreko tailerraren jarraipena izan daiteke, baina ez da beharrezkoa hura egin izana, APIekin esperientzia baduzu. AWS Cloud9 ingurunean lan egingo duzu; zerbitzaririk gabeko API bat babesaren ikuspuntutik aztertuko duzu, eta segurtasun-neurriak progresiboki aplikatuz joango zara AWS zerbitzuak erabiliz, hala nola Secrets Manager, Lambda Authorizer, CloudWatch eta beste tresna natibo batzuk.
Quantum x AI Summit
Enpresa Digitala
2026-06-02 (09:00 - 00:00)
Datorren ekainaren 2an, Donostiako NH Collection San Sebastián Aránzazu hotela konputazio kuantikoaren eta adimen artifizialaren epizentro bihurtuko da.
Quantum x AI Summit jardunaldia bi indar teknologiko horien arteko loturak erakundeen kontrola, segurtasuna eta konputazio-gaitasuna nola birdiseinatzen ari diren aztertzeko pentsatuta dago.
AA sortzailea prozesuak eraldatzen ari den bitartean, konputazio kuantikoa gaur egun eskuraezinak diren irtenbideak eskalatzea ahalbidetuko duen motor gisa agertzen ari da. Jardunaldi hau zuzendariei, berrikuntza-arduradunei eta profil teknikoei zuzenduta dago, BasQ (Basque Quantum) estrategiaren benetako eragina ulertu eta euren enpresak abangoardia teknologikoan kokatu ditzaten.
- Estrategia nazionala eta eskualdekoa: BasQ estrategiaren aurkezpen zehatza eta IBM Quantum System Two sistemaren hedapena.
- Segurtasuna eta kriptografia: Kuantikak nola birdefinitzen duen enpresen zibersegurtasuna (Quantum-safe).
- Enpresa-erabilerak: Finantzetatik logistikara; non eskaintzen duen balioa AA kuantikoak gaur egun.
- Hardwarea eta ekosistema: Qubit-en hardware erakustaldiak eta sektoreko liderren roadmap-a.
Ez delako soilik potentzia kontua, subiranotasun teknologikoa baizik. Euskadin IBMren hardwareak eta AA arkitektura berriek nola lan egin dezaketen ulertzeak, menpekotasun kritikorik gabeko ibilbide-orria diseinatzen lagunduko dizu, teknologia disruptiboen inbertsio-itzuleraren ikuspegi argi batekin. Zientzia-fikzioa izateari utzi dion teknologia bati buruzko irizpide garbiekin irteteko aukera bikaina da.
09:30
09:40
10:10
10:40
11:30
12:00
13:00
13:30
14:00
Zibersegurtasuna enpresan: mehatxuak eta segurtasunaren gobernua
Enpresa Digitala
2026-06-02 (09:30 - 00:00)
Jardunaldi honen helburua da ulertaraztea zergatik den egun zibersegurtasuna benetako kezka bat enpresa guztientzat, eta nola kudeatu behar den modu antolatu eta arduratsuan.
Jardunaldian, enpresek eremu digitalean zer arazo dituzten azalduko da (iruzurrak, zerbitzuak gelditzea, informazioa galtzea, zigor legalak). Ikusiko da, halaber zergatik ez den soilik kontu informatiko bat, baizik eta negozioari, kudeaketari eta jardueraren jarraitutasunari eragiten diona.
Landuko da enpresa bat nola antola daitekeen hobeto arazoei aurrea hartzeko, erabakiak goiz hartzeko eta gorabehera bat gertatzen denean zer egin jakiteko.
Horretarako, arriskuak lehenesten, krisi baten aurrean erreakzionatzen eta enpresak funtzionatzen jarrai dezakeela ziurtatzen laguntzen duten barne-plan eta -arauen zeregina azalduko da.
Egun, erakunde askori eragiten dieten betebehar legalen eta kanpo-betekizunen ikuspegi orokor bat ere eskainiko da. Haien xedeak eta enpresan izan dezaketen eragina azalduko dira, xehetasun teknikoetan sartu gabe.
Hori guztia modu praktikoan. Erabakiak hartzera eta enpresa kudeatzera bideratuta egongo da, eta egokituta dago ezagutza tekniko espezializaturik ez duten pertsonentzat.
IoTtik OTra: industriako zibersegurtasunaren hornikuntza-katea ulertzea
Enpresa Digitala
2026-06-02 (09:30 - 00:00)
Jardunaldi honetan, hau azalduko da: industriako segurtasun-sistemak gailuen bizi-ziklo osoaren mende daude, haien diseinu eta fabrikaziotik ingurune industrialetan erabiltzen direnera.
Lehenen zatian, IoT edo gauzen Interneten fasea aztertuko da. Fase horretan, ondoren industriako azpiegituraren parte izango diren hardwarea, firmwarea eta softwarea diseinatzen dituzte fabrikatzaileek eta garatzaileek . Garapenarekin, hirugarrenekiko mendekotasunekin, firmwarearekin, testing-prozesuekin eta teknologiaren hornidura-katearekin lotutako arriskuak aztertuko dira, eta erakutsiko da etapa horietan hartutako erabakiek gailuaren balio-bizitza osoan iraungo duten ahuleziak eragin ditzaketela.
Bigarren zatian, OT inguruneetarako trantsizioa landuko da, non gailu horiek prozesu fisiko kritikoak kontrolatzen dituzten sare industrialetan integratzen baitira. Sistema horiek arkitektura industrialetan nola hedatzen eta konfiguratzen diren azalduko da, baita nola lan egiten duten ere. Orobat azalduko da zer arazo sortzen diren ahulezien kudeaketan eta epe luzeko mantentze-lanetan eta zer mehatxu balia daitezkeen fabrikazio-fasean sortutako ahuleziez.
Jardunaldia amaitzeko, industriako segurtasunaren ikuspegi integral bat emango da, eta nabarmenduko da garrantzitsua dela hornikuntza-kate osoan jardunbide egokiak aplikatzea eta, azpiegitura kritikoak babesteko, fabrikatzaileak, integratzaileak eta operadoreak koordinatzea.
BAI EUSKARARI BULETINA
SARE SOZIALETAN
HARREMANA
Martin Ugalde Kultur Parkea
20140, Andoain (Gipuzkoa)
+34 943 59 21 48
+33 603 49 43 65
info@baieuskarari.eus / info@enpresarean.eus
Harremana
ENPRESAREAN PROIEKTUAREN LAGUNTZAILEAK
