Enpresen eta profesionalen sarea

Barnetegi Teknologikoa - Microsoft Copilot

Enpresa Digitala

2026-06-08 (09:00 - 00:00)

Microsoft 365 Copilotek, lan ingurunean eguneroko produktibitatea iraultzeko diseinatutako AAko laguntzaileak, dituen gaitasunak arakatzea, eta Microsoft 365eko tresna nagusiekin nola dagoen integratuta eta agenteak sortuz pertsonalizatzeko duen ahalmena erakustea.

Notion AI: zure laguntzaile adimenduna, “dena batera”

Enpresa Digitala

2026-06-08 (09:30 - 00:00)

Notion dagoeneko bada zure lana antolatzeko tresna indartsua, baina bere AA integratuarekin, Notion laguntzaile adimenduna bihurtu da, zuri informazioa automatikoki idazten, laburbiltzen, aztertzen eta eraldatzen laguntzeko. Tailer honetan Notionek zure esku jartzen dituen AA sortzaileko gaitasun guztiak ondo maneiatzen ikasiko duzu.

Ikasiko duzu nola atera etekina Notion AIri, edukiak idazteko, bilerak laburtzeko, dokumentuak itzultzeko, datu baseetako datuak aztertzeko, automatizazio adimendunak sortzeko eta askoz gauza gehiago egiteko. Guztia zure lan eremutik atera gabe, zure informazioa beti eskuragarri eta antolatuta edukita.

Norentzat da?

Tailer hau produktibitatea biderkatu nahi duten Notioneko erabiltzaileentzat (hasiberriak zein aurreratuak) diseinatuta dago:
 

Segurtasun-gorabeherak

Enpresa Digitala

2026-06-08 (09:30 - 00:00)

Ingurune digitala gero eta interkonektatuagoa denez, segurtasun-gorabeherak etengabeko kezka dira pertsonentzat eta erakundeentzat. Mehatxu zibernetikoak etengabe ari dira eboluzionatzen: malware- eta ransomware-erasoak, datu sentikorrak filtratzea eta sistema kritikoetara baimenik gabe sartzea. Gorabehera bat dagoenean ez bagaude prest eta ez badakigu erantzun egokirik ematen, ondorio larriak egon daitezke; datuak galdu ditzakegu, gure ospea kaltetu dezake, edo galera ekonomiko handiak izan ditzakegu.

Tailer honek gorabehera horiek modu eraginkorrean identifikatzeko, kudeatzeko eta arintzeko behar diren tresnak eta estrategiak eskaintzen ditu. Gorabehera-motak, azkar eta eraginkortasunez erantzuteko jardunbide egokiak eta eraso baten eragina murrizteko modua landuko da. Gainera, gorabeheretan erantzuteko plan bat eratzeko eta etorkizuneko mehatxuen aurkako defentsak indartzeko metodoak aztertuko dira. Ikastaroa amaitutakoan, edozein segurtasun-gorabehera gertatzen denean zer egin jakingo duzu, eta aktibo digitalen babesa eta eragiketen jarraitutasuna bermatuko dituzu.

Adimen artifizial sortzaile segurua: langile guztiek jakin beharrekoak

Enpresa Digitala

2026-06-08 (09:00 - 00:00)

Gida praktiko bat AAren erabilera antolatzeko, informazioa babesteko eta eguneroko lanean arriskuak murrizteko.

AA sortzailea egunero erabiltzen dugu honelako lanak egiteko: mezu bat idatzi, dokumentu bat laburtu, aurkezpen bat prestatu, informazioa aztertu, ideiak lortu eta zereginak automatizatu. Baina askotan, ez dugu argi izaten zer datu partekatu daitezkeen, zer tresna diren egokiak, zer arrisku dauden eta erabiltzaileak zer erantzukizun duen.

Ikastaro hau AA modu seguruan erabiltzeko eskuliburu praktiko bat da, enpresako profesionalentzat. Helburua da tresna horiek zentzuz erabiltzen ikastea, eta ohiko akatsak saihestea, hala nola egokiak ez diren zerbitzuetan informazio sentikorra ematea, erantzun okerrei itsu-itsuan jarraitzea, barne-dokumentuak partekatzea eta integrazioak erabiltzea horrek zer inplikazio dituen jakin gabe.

Nola detektatu AAk sortutako gezurrak eta desinformazioa (Online, euskeraz)

Enpresa Digitala

2026-06-08 (15:30 - 00:00)

Adimen artifiziala informazioa sortzeko eta zirkulatzeko modua aldatzen ari da. Egun posible da irudi, audio, bideo eta testu faltsuak errealismo handiarekin sortzea, eta horrek asko zailtzen du bereiztea zer den benetakoa eta zer manipulatua. Egoera berri horrek ez dio soilik informazio-arloari eta gizarteari eragiten; enpresetan ere bete-betean eragiten du. Gezurrak, eduki engainagarriak, iruzurrak, izen onaren kalteak edo informazio faltsuan oinarritutako erabakiak jasan ditzakete.

Horregatik, irizpide digitala garatzea gaitasun gero eta garrantzitsuagoa da profesionalentzat eta erakundeentzat. Kontua ez da soilik arrisku horiek daudela jakitea, baizik eta faltsutasun-zantzuak hautematen ikastea, zenbait eduki zalantzan jartzea eta, informazioa partekatu edo erabili baino lehen eta haren aurrean erreakzionatu baino lehen, hobeto egiaztatzen lagunduko duten ohiturak hartzea.

Jardunaldian ikuspuntu praktiko eta ulergarri batzuk emango dira AAk desinformazio-modu berriak nola sortzen dituen ulertzeko eta enpresa edo profesional batek haren eragina murrizteko zer egin dezakeen jakiteko. Adibide errealen bidez eta lan-ingurunetik gertuko egoeren bidez, eduki susmagarriak identifikatzeko, horrelako manipulazioak nola eraikitzen diren ulertzeko eta ingurune digitalean zuhurtzia eta irizpide handiagoz jokatzeko gako batzuk erakutsiko dira.